Polşa Xarici İşlər Nazirliyi mətbuatda daha əvvəl yayılan məlumatları təsdiqləyərək, Rusiyanın xarici işlər naziri Sergey Lavrovun ATƏT-ə üzv ölkələrin xarici işlər nazirlərinin iclasında iştirakına icazə vermədiyini bildirib.
Elchi.az Tass-a istinadən xəbər verir ki, görüş dekabrın 1-2-də Lodzda baş tutacaq.
Polşa xarici işlər nazirinin müavini Pavel Yablonskinin yerli televiziyada qeyd edib ki, Rusiyanı bütün beynəlxalq platformalardan mümkün qədər təcrid etmək lazımdır. Polşalı diplomatı hesab edir ki, Rusiya Avropada təhlükəsizliyə qarşıdır və Avropanın təhlükəsiz olması vacib olan ölkələr ATƏT-in iclasında təmsil olunmalıdır.
Qeyd edək ki, Rusiya XİN Varşavanın bu qərarını misilsiz və təxribat xarakterli adlandırıb. Xatırladaq ki, bundan əvvəl Polşa Rusiya parlamentarilərinə ATƏT Parlament Assambleyasının noyabrın 24-26-da ölkə paytaxtında keçiriləcək payız sessiyasında iştirak etmək üçün viza verməkdən imtina edib.
Yeganə