Rusiya Xarici İşlər naziri Sergey Lavrov Təhlükəsizlik Məsələlərinə Məsul Ali Nümayəndələrin XI Beynəlxalq İclasında çıxış edib. Lavrov çıxışı zamanı Qərbin Rusiya və Çinə münasibətdə mövqeyinə, eləcə də Ukraynadakı münaqişədə iştirakı ilə bağlı risklərə diqqət çəkib.
Elchi.az Smotrim.ru-ya istinadən bildirir ki, sözügedən çıxışı “Rossiya 24” telekanalı yayımlayıb.
Xarici işlər naziri xatırladıb ki, bu yaxınlarda Yaponiyada keçirilən G7 sammiti zamanı verilən bəyanatlardan belə nəticə çıxır ki, iclas iştirakçıları Rusiya və Çini Qərbin dominantlığına təhlükə yaradan strateji rəqiblər hesab edirlər.
Lavrov vurğulayıb ki, NATO ölkələrinin Ukraynadakı münaqişədə de-yure iştirakı nüvə güclərinin toqquşması riskini artırır. Və Rusiyanın Qərbdə belə bir toqquşmanın yolverilməzliyi barədə siqnallarına məhəl qoyulmur və ya kobud şəkildə təhrif edilir.
Rusiyalı nazir hesab edir ki, NATO-nun Şərqə doğru genişlənməsi əslində Hitler Almaniyasının Drang nach Osten (“şərqə genişlənmə”) siyasəti ilə eyni niyyətlərini əks etdirir.
Lavrov həmçinin qeyd edib ki, Moskva Vaşinqton və Brüsselin BMT-ni marginallaşdırmaq cəhdlərindən əl çəkməsini zəruri hesab edir. O, həmçinin bildirib ki, beynəlxalq gərginliyi azaltmaq üçün ABŞ və Aİ birtərəfli hərbi qərarlardan imtina etməlidir. Rusiya XİN başçısı vurğulayıb ki, bu gün beynəlxalq təhlükəsizliyin bütün arxitekturasının yenilənməsi zərurəti ön plana çıxır.
Tayvan ətrafında baş verənlərdən danışan Lavrov ABŞ-ın hərəkətlərini vəziyyətin qəsdən gərginləşməsi kimi qiymətləndirib:
“Vaşinqton Asiya-Sakit Okean regionunda öz dağıdıcı sxemlərinə təkcə Avropada deyil, Uzaq Şərqdə də peykləri cəlb edir”, – deyə rusiyalı nazir vurğulayıb.
Yeganə
Son şərhlər