Səudiyyə Ərəbistanının “Əl-Nəsr” klubunda oynayan portuqaliyalı futbolçu Kriştiano Ronaldo karyerasında 1000 qola çatana qədər karyerasını bitirməyəcəyini bildirib.
Elchi.az xəbər verir ki, Dubayda keçirilən mükafatlandırma mərasimində çıxış edən 40 yaşlı Ronaldo “Məqsədimin nə olduğunu bilirsiniz. Kuboklar qazanmaq və hamınızın bildiyi 1000 qola çatmaq istəyirəm. Zədələnməsəm, mütləq bu rəqəmə çatacağam” deyib.
Futbol oynamağa davam etmək üçün motivasiyasının yüksək olduğunu bildirən Ronaldo deyib: “Yaxın Şərqdə və ya Avropada oynamağımın fərqi yoxdur, həmişə futbol oynamağı sevirəm və davam etmək istəyirəm”.
2022-ci ildə “Əl-Nəsr”ə keçən Ronaldo, şənbə günü “Əl Əhdud”a qarşı 3-0 hesablı qələbə qazandıqları oyunda iki qol vuraraq ümumi qol sayını 956-ya çatdırdı. 30 yaşından bəri 493 qol vuran Ronaldo, həmçinin 64 il əvvəl “Arsenal”, “Fulhem” və “Crystal Palace” klublarında oynayarkən keçmiş ingilis futbolçusu Ronnie Ruke tərəfindən qoyulmuş rekordu təkrarladı.
Məryəm
