Rusiya İsraillə Fələstinin HƏMAS radikal hərəkatı arasındakı münaqişədə ardıcıl mövqeyə malikdir. Elchi.az “RBC”yə istinadən xəbər verir ki, Rusiya prezidentinin mətbuat katibi Dmitri Peskov İsrail tərəfinin Moskvanın Yaxın Şərqdəki münaqişə ilə bağlı mövqeyindən narazılığına belə cavab verib.
“Biz hesab edirik ki, atəşkəsin tezliklə təmin edilməsi və problemin həllinə nail olmaq lazımdır, bunun təməli fələstinlilər üçün müstəqil dövlətin təmin edilməsi olmalıdır”, – Kremlin rəsmi nümayəndəsi bildirib.
O vurğulayıb ki, Rusiya tərəfinin mövqeyi çox ardıcıldır və Rusiya prezidenti Vladimir Putin tərəfindən dəfələrlə ifadə olunub.
Bundan əvvəl “The Times of Israel” İsrail Xarici İşlər Nazirliyinə istinadən yazıb ki, adı açıqlanmayan israilli diplomat Rusiya nümayəndə heyəti ilə görüş keçirib və orada Moskvanın mövqeyindən narazılığını bildirib.
Havar Şəfiyeva
Son şərhlər