Rusiya Kommunist Partiyası “Qırmızı xətt” (Red line) televiziya kanalının yayımı üçün lisenziya alıb. ANS 
PRESS-in məlumatına görə, bu haqda kommunistlərin lideri Qennadi Zuqanov bildirib.
Onun dediyinə görə, kanal tezliklə bütün Rusiyada yayımlanacaq. İndi “Qırmızı xətt” internetdə yayımlanır. Kanalın internet saytındakı bəyanatda deyilir:
“Bizim əsas məqsədimiz Rusiyanın, eləcə də dünyanın inkişafına biganə olmayan, savadlı insanlar arasında müzakirələrin aparılması üçün bir informasiya vasitəsi və platformaya çevrilməkdir”.
Kanal sənədli filmlər, özəl reportajlar, siyasi debatlar hazırlayır. Eləcə də federal kanallarda çıxışları yasaqlanan siyasətçilər, iqtisadçılar və ictimai xadimlərdən müsahibələr alır.
Son şərhlər