Vergi bəyannamələrin məlumatına əsasən, ABŞ-nın sabiq dövlət katibi Hillari Klinton və onun həyat yoldaşı sabiq prezident Bill Klinton son səkkiz il ərzində139 milyon dollar məbləğində gəlir əldə edib.
2007-2014-cü illər ərzində Bill və Hillari Klinton cütlüyü 44 milyon dollar məbləğində vergi ödəyib. Bu barədə Hillari Klintonun seçkiqabağı qərargahının məlumatında deyilir. Bu dövrdə Klintonlar xeyriyyəçilik məqsədləri üçün 15 milyon dollar xərcləyib.
Gəlirlərin əksər hissəsini cütlük çıxış və mühazirələrdən əldə edib.
Hazırda Hillari Klinton ABŞ Demokrat Partiyasından prezidentliyə ən populyar namizəddir. Son ictimai rəy sorğularına əsasən respondentlərin 56 faizi Klintona səs vermək arzusunda olduğunu bildirib. Klintonla yanaşı demokratlar partiyasından prezident kürsüsü uğrunda mübarizəyə Rod Aylend ştatının sabiq qubernatoru Linkoln Çeffi, Merilend ştatının sabiq qubernatoru Martin O’Melli, və Virciniya ştatından sabiq senator Cim Uebb və Vermont ştatından seçilmiş müstəqil senator Bernard Sanders prezident seçkilərində iştirak edəcəyini elan edib. Demokratlar partiyasının seçkiqabağı qurultayının 25-28 iyul 2016-cı il tarixində Filadelfiyada (Pensilvaniya ştatı) keçirilməsi nəzərdə tutulub. Onun nəticələrinə əsasən Demokratlar Partiyasından ABŞ prezidentliyinə rəsmi namizəd müəyyən ediləcək.
39 DƏFƏ OXUNUB
Son şərhlər