Ukrayna hərbi yaşda olan qaçqınların geri qaytarılmasını tələb edə bilər. Elchi.az RİA “Novosti”yə istinadən xəbər verir ki, bunu BMT-nin Qaçqınlar üzrə Ali Komissarlığının Avropadakı ofisinin direktoru Filip Lekler deyib.
“Ukraynanın öz əhalisini səfərbər etmək hüququ var. Bu, xaricdəki hərbi yaşda olan qaçqınlara da aiddir. Belə olan halda onların statusu və müdafiəsi məsələsi açıq qalacaq”.
Lekler vurğulayıb ki, səfərbərlik ukraynalı qaçqınların təqibi deyil və vicdanlı etiraz hüququ hələ də mövcuddur.
Bir müddət əvvəl BMT-nin baş katibi Antonio Quterreş ukraynalı qaçqınların xaricdən mümkün səfərbər olunmasını şərh edərkən, ukraynalı qaçqınların müdafiə hüququna diqqət çəkib. Onun sözlərinə görə, bütün digər qaçqınlarla eyni hüquqlara malikdirlər.
Havar Şəfiyeva
Son şərhlər