45 yaşlı xəstə dəfn edilən zaman xırıldayaraq ayılıb
Çində kişi dəfn edilən zaman tabutun içində özünə gəlib.
ANS PRESS-in məlumatına görə, 45 yaşlı Qo Lyu qəfildən xırıldamağa başlayıb. Özünə gəldikdə isə ağlamağa başlayıb. Nə baş verdiyini anlamayan dəfn mərasimindəkilər təəccüblə ona baxıblar.
Kişi 3 aya yaxın xəstəxanada yatıb. Xəstəxanaya yerləşdirilərkən ona güclü beyin qanaxması diaqnozu qoyulub. Kişini təcili olaraq reanimasiyaya yerləşdiriblər. Lakin həkimlər onun normal həyata qayıda biləcəyini deməkdə çətinlik çəkirlər.
Qo Lyu halı pisləşən günü dostları ilə əylənib. Dostlarının sözlərinə görə, hamı kimi o da yeyib, içib və çəkib. Hansısa anda siqareti yerə düşüb. Onu götürmək üçün əyiləndə gözlənilmədən halı pisləşib və asfalta yıxılıb.
Yaxınları onun həddindən artıq siqaret çəkdiyini deyirlər. Qo Lyu gündə 2 qutu siqaret çəkirmiş. Məhz bu faktın onun halının pisləşməsinə gətirib çıxardığını düşünürlər.
Həkimlər məhz onun pis vərdişi üzündən müalicənin effekt vermədiyini bildiriblər. Nəticə görməyən həkimlər 3 aydan sonra xəstənin həyat yoldaşına ölüm xəbərini verirlər.
ANS PRESS