Kanadanın qərbində yerləşən Alberta əyalətində meşə yanğınları 108 nöqtəyə yayılarkən, evlərindən təxliyə edilənlərin sayı 29 minə yüksəlib.
Elchi.az xəbər verir ki,Alberta əyalətindən olan səlahiyyətlilərin açıqlamasında, mayın 6-da başlayan yanğınların qonşu Britaniya Kolumbiyası bölgəsinə sıçrayaraq 108 nöqtəyə yayıldığı və bu səbəbdən təxliyə edilənlərin sayının 29 minə yüksəldiyi bildirilib.
Alberta Fövqəladə Halların İdarə Olunması Agentliyinin direktoru Colin Blair, ağır şərtlərə görə xalis zərər hesabatlarının hələ tamamlanmadığını söylədi, lakin ilkin hesablamalar Fox Lake şəhərində bir neçə binanın, o cümlədən 20 evin, bir polis bölməsinin zədələndiyini göstərir.
Səlahiyyətlilər bildiriblər ki, 78 məntəqədə baş verən yanğınlardan 19-u həddindən artıq isti və külək səbəbindən nəzarətdən çıxıb.
Alberta əyalətinin baş naziri Danielle Smith əyalətdə fövqəladə vəziyyət elan etdiklərini açıqlayıb.
Təxliyyə olunanlar pulsuz müvəqqəti yaşayış yeri ilə təmin edilir, ərzaq xidmətləri, geyim, sağlamlıq xidməti göstərilir.
Nuranə Məmmədova
