Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas ABŞ-ın iştirakı olmadan vahid ordusu olan “Avropa NATO-su”nun yaradılması ideyasına skeptik yanaşıb.
Elchi.az xəbər verir ki, bu barədə “The Guardian” nəşri məlumat yayıb.
“Bizə Avropa ordusu lazım olduğunu deyənlər… ola bilsin ki, bunu praktiki baxımdan sona qədər düşünməyiblər. Çünki baş nazir olduğunuz zaman bilirsiniz ki, sizin bir ordunuz və bir müdafiə büdcəniz var. Ona görə də əgər siz artıq NATO-nun üzvüsünüzsə, mövcud ordudan başqa ayrıca bir ordu yarada bilməzsiniz,” – deyə Kallas bildirib.
Onun sözlərinə görə, böhran dövrlərində ən vacib məsələ komanda zənciridir, yəni kimin kimə əmr verdiyidir. NATO ilə yanaşı ayrıca Avropa ordusu mövcud olarsa, bir çox məsələlərin diqqətdən kənarda qalması riski yaranır, – Kallas qeyd edib.
O, NATO-nun tərkib hissəsi olan və alyansı “həqiqətən tamamlayan” Avropa müdafiəsinin gücləndirilməsinin vacibliyini vurğulayıb. Aİ diplomatiyasının rəhbəri həmçinin “NATO-nu pəncərədən atmaq” çağırışlarına qarşı çıxıb.
Məryəm
