İran Xarici İşlər Nazirliyinin sözçüsü Nasser Kənani Ağ Evin sözçüsü Con Kirbinin ABŞ-ın Fars körfəzində mövcudluğunu gücləndirməsi ilə bağlı bəyanatını şərh edib.
Elchi.az-ın News.am-a istinadən xəbərinə görə, Kənani deyib ki, ABŞ əsassız olaraq İranın neft daşınmalarını ələ keçirir.
“Amerika rəsmisinin bəyanatlarının əksinə olaraq, Amerika hökumətinin özü beynəlxalq sularda İran neftinin bir sıra yüklərini ələ keçirərək, müsadirə edərək, dəniz qanunlarını pozan tədbirlərə əl ataraq, gəmiçilik, rəsmi və beynəlxalq ticarətin təhlükəsizliyini təhlükə altına qoyur. ABŞ eyni zamanda həyasızcasına İranı günahlandırır”,-deyə Kənani bildirib.
Kənani qeyd edib ki, İran regional və beynəlxalq sularda naviqasiya təhlükəsizliyinin təmin edilməsi baxımından ən səmərəli ölkədir. Onun sözlərinə görə, ABŞ onilliklərdir ki, Fars körfəzi regionunda qeyri-sabitlik yaradan müdaxiləçi və dağıdıcı siyasət yürütür və İrana qarşı yeni ittihamlar da onun mövcudluğunu əsaslandırmaq və ya artırmaq üçün bəhanədir.
Kənani qeyd edib ki, İran uzun dəniz sərhədinə malikdir, ona görə də o, Fars körfəzi və Hörmüz boğazında təhlükəsizliyin təmin edilməsində digər ölkələrlə müqayisədə daha çox maraqlıdır: “Amerika qüvvələrinin mövcudluğu və sabitliyi pozan hərəkətlər İranın təhlükəsizliyini təmin etmək üçün məsuliyyətini ikiqat artırır”.
Xatırladaq ki, bundan əvvəl Ağ Evin sözçüsü Con Kirbi İranın regionda fəallığının artması səbəbindən ABŞ-ın Fars körfəzindəki mövcudluğunu gücləndirmək üçün addımlar atacağını bildirmişdi. Onun sözlərinə görə, bu, beynəlxalq kommersiya gəmilərinə İranın təhdidləri ilə bağlı zəruridir. Ağ Evin məlumatına görə, son iki ildə 15 belə hal qeydə alınıb.
Yeganə
Son şərhlər