Rusiya Liberal-Demokrat Partiyasının (RLDP) sədri, RLDP-nin Dövlət Dumasındakı fraksiyasının başçısı Vladimir Jirinovski sentyabrın 27-də Milli Məclisdə spiker Oqtay Əsədovla görüşəcək. Bu barədə Milli Məclisin mətbuat katibi Akif Nəsirov məlumat verib. O, rusiyalı siyasətçinin Bakıda keçirəcəyi başqa görüşlər barədə də danışıb: “Vladimir Jirinovski Fəxri Xiyabanda milli lider Heydər Əliyevin məzarını ziyarət edəcək, Şəhidlər Xiyabanında olacaq”. Bundan başqa RLDP sədri Moskva Dövlət Universitetinin Bakı filialında müəllim və tələbələrlə görüşəcək. V.Jirinovskinin Bakı şəhəri ilə tanışlığı da nəzərdə tutulub. A.Nəsirov RLDP sədrinin Bakıda digər görüşlər keçirəcəyini də istisna etməyib.
İran vitse-prezidenti hadisə yerinə yollandı
İranın vitse-prezidenti Möhsün Mənsuri Prezident İbrahim Rəisinin helikopterinin qəzaya uğradığı əraziyə yollanıb. Elchi.az xəbər verir ki, bu barədə İran hökumətinin...