“Bu cür cəza təkrar qəsdən adam öldürən, bir neçə şəxsi qətlə yetirən, residivist elan edilən şəxslərə
verilir”
Keçmiş baş prokuror İxtiyar Şirin bu gün Moskva şəhər məhkəməsində Orxan Zeynalova verilən 17 il həbs cəzasının törədilən cəzaya adekvat olmadığı barədə Moderator.az-a açıqlama verib:
“Burada iki məsələyə diqqət yetirmək lazımdır. Birincisi, Orxan Zeynalov cinayəti onun törətmədiyini təkid edir. İkinci məsələ cəzanın ağırlığı məsələsidir. Məhkəmə Orxan Zeynalovun əvvəllər ağır cinayət törətmədiyini və birinci dəfə belə qətl törədən şəxslərə Rusiya məhkəmələrinin tətbiq etdiyi azadlıqdan məhrumetmə növündə cəzanın müddəti ilə bağlı məhkəmə təcrübəsini nəzərə almalı idi. Azərbaycanda bu cür cinayətlərə görə adətən ən çoxu 12-14 il müddətində azadlıqdan məhrumetmə cəzası verilir. Məhkəmənin Orxan Zeynalova verdiyi cəza təkrar qəsdən adam öldürən, bir neçə şəxsi qətlə yetirən, residivist elan edilən və sair daha ağırlaşdırıcı hallarda cinayət törətmiş şəxslərə tətbiq edilir. Məhkəmənin bu hökmü siyasi mahiyyət daşıyır.”
Son şərhlər