İtaliyada bu gün həddindən artıq istilər səbəbindən daha iki nəfər ölüb, ölənlərin sayı 4-ə çatıb.
Elchi.az xəbər verir ki, ötən həftə sonundan etibarən ölkə daxilində təsirini artıran və bir çox bölgədə 35 dərəcədən yuxarı olan isti hava şəraiti can itkisinə səbəb olmağa davam edir.
İtaliyanın ANSA xəbər agentliyinin məlumatına görə, havanın temperaturu 40 dərəcədən yuxarı olan Sardiniya adasındakı Budoni qəsəbəsindəki çimərlikdə 75 yaşlı kişi, San Teodoro qəsəbəsindəki çimərlikdə isə 60 yaşlı kişi həddindən artıq istidən pisləşərək və xəstəxanaya aparılmazdan əvvəl dünyasını dəyişib.
Sardiniya adasındakı ölümlərlə həftənin əvvəlindən bu yana ölkədə ölənlərin sayı 4-ə yüksəlib.
Ötən günlərdə ölkədə biri Palermoda, biri Bolonyada olmaqla daha iki nəfər ölüb.
Bu arada, davam edən həddindən artıq istilər səbəbindən İtaliya Səhiyyə Nazirliyi günəşdən qorunma üsullarını dərc etməyə davam edir və yüksək temperatur səbəbiylə Roma və Milan da daxil olmaqla 18 şəhərdə “qırmızı həyəcan” elan edib.
Nazirlik, sözügedən 18 şəhər üçün “qırmızı həyəcan” statusunun sabah da qüvvədə qalacağını açıqlayıb.
Nuranə Məmmədova
