“İtaliya Yaxın Şərq münaqişəsinə girmək niyyətində deyil, lakin Fars körfəzi ölkələrinin hava hücumundan müdafiəsini təmin etmək niyyətindədir”.
Elchi.az xəbər verir ki, bu barədə İtaliyanın baş naziri Giorgia Meloni bildirib.
O qeyd edib ki, ABŞ-ın İtaliya bazalarından hərbi əməliyyatlar üçün istifadə etməsi məsələsi ABŞ ilə ikitərəfli razılaşmalar, xüsusən də 1954-cü il müqaviləsi ilə tənzimlənir, lakin bunlar bombardmanların həyata keçirilməsinə deyil, logistika və qeyri-döyüş əməliyyatlarına aiddir. Meloni vurğulayıb ki, İtaliyadakı bazaların məqsədlərini genişləndirmək üçün müraciətlər edilərsə, bunun üçün hökumət qərarı və parlamentin təsdiqi tələb olunacaq.
“Bu gün heç bir xahişimiz yoxdur; biz müharibə vəziyyətində deyilik və müharibə vəziyyətinə düşmək istəmirik”,-deyə baş nazir vurğulayıb.
Eyni zamanda, o, müttəfiqləri – Böyük Britaniya, Fransa və Almaniya kimi Fars körfəzi ölkələrinin hava hücumundan müdafiəsini təmin etmək üçün yardım göstərmək niyyətində olduğunu açıqlayıb.
“Biz hava hücumundan müdafiədən təkcə ona görə danışırıq ki, bu ölkələr dostdur, həm də ona görə ki, orada on minlərlə italyan, eləcə də iki minə yaxın hərbçi var”, – baş nazir qeyd edib.
Yeganə
