İtaliyanın xarici işlər naziri, baş nazirin müavini Antonio Tajani deyib ki, Liviyanın keçmiş lideri Müəmmər Qəddafini öldürməyə icazə vermək səhvdir. Elchi.az bu barədə RİA Novostiyə istinadən xəbər verir.
Toskanın Luka şəhərində keçirilən ictimai tədbirdə Tajani Qəzzafinin öldürülməsini pisləyib və bu qərarın yanlış olduğunu qeyd edib. “O, demokratiya modeli olmaya bilərdi, lakin onun sonu ilə Şimali Afrikada qeyri-sabitlik yarandı” – deyə italyan siyasətçisi bildirib.
Nazir əlavə edib ki, Qəddafi ilə razılaşmalar sayəsində İtaliya miqrasiya axınını dayandırıb və vəziyyət daha stabil olub.
Qeyd edək ki, Qəddafi 42 il hakimiyyətdə olub. Hakimiyyətinin ilk dövrü Liviyaya iqtisadi uğur gətirib, lakin həyatının sonunda əhalinin təxminən 40 faizi yoxsulluq həddinin altında idi. O, Liviyada müxalifətə nəzarət və onun aradan qaldırılması ilə məşğul olan gizli polis təşkil edib.
2010-cu ilin sonunda Liviyada Qəzzafinin devrilməsi ilə nəticələnən sosial-iqtisadi böhranla əlaqədar kütləvi etirazlar başlayıb.
Havar Şəfiyeva
Son şərhlər