İtaliya Rəqabət Təşkilatı (Antitrus-AGCM) ABŞ-da yerləşən texnologiya şirkəti Apple şirkətini mobil tətbiq bazarındakı dominant mövqeyindən sui-istifadə etdiyinə görə 98,6 milyon avro cərimələyib.
Elchi.az xəbər verir ki, Antitrus Təşkilatının açıqlamasına görə, Apple şirkətinin törəmə şirkətləri olan “Apple Inc.”, “Apple Distribution International Ltd.” və “Apple Italia S.r.l.” mobil tətbiq bazarındakı dominant mövqelərindən sui-istifadə etdiklərinə görə 98.635.416 avro cərimələnib. Bəyanatda deyilir: “İtaliya Rəqabət Təşkilatı, Avropa Komissiyası və digər milli rəqabət orqanları və İtaliya Məlumatların Mühafizəsi Təşkilatı ilə koordinasiyalı şəkildə, Apple şirkətinin 2021-ci ilin aprel ayından etibarən iOS mobil əməliyyat sistemi üçün App Store vasitəsilə paylanan tətbiqlərin üçüncü tərəf tərtibatçılarına məxfilik qaydalarını tətbiq edən Tətbiq İzləmə Şəffaflığı (ATT) siyasətinin mürəkkəb araşdırma çərçivəsində rəqabət baxımından məhdudlaşdırıcı olduğunu müəyyən edib”. Antiinhisar Təşkilatının açıqlamasında Apple şirkətinin “App Store” vasitəsilə bazarda “həddindən artıq dominant” mövqe tutduğu iddia edilir.
Bəyanatda daha sonra qeyd olunur ki, İtaliya Rəqabət Təşkilatı ATT siyasətinin şərtlərinin birtərəfli qaydada tətbiq edildiyini və Apple-ın biznes tərəfdaşlarının maraqlarına zərər verdiyini və bu şərtlərin şirkətin bəyan etdiyi məlumatların qorunması məqsədlərinə çatmaq üçün qeyri-mütənasib olduğunu müəyyən edib.
Şayəstə
