Beyoğlunda bombalı hücumu həyata keçirən Albəşirin 4 ay əvvəl bir terrorçu ilə Türkiyəyə daxil olduğu, iki terrorçunun kimliyinin üzə çıxmaması üçün ər-arvad rolunu oynadıqları və onların bu sahədə çalışdıqları üzə çıxıb.
Elchi.az xəbər verir ki, Beyoğluda 6 nəfərin həyatını itirdiyi, 81 nəfərin yaralandığı terror aktı ilə bağlı istintaq davam edir.
Separatçı terror təşkilatı PKK/KCK-nın Suriya qolu PYD/YPG-nin həyata keçirdiyi terror aktı ilə əlaqəsi olduğu iddiası ilə saxlanılan 46 şübhəlinin dindirilməsi davam edir.
Hücumdan sonra 1200 müxtəlif təhlükəsizlik kamerası görüntülərindən ibarət yüzlərlə saatlıq görüntüləri incələyən terrorla mübarizə və kəşfiyyat bölmələri ilk olaraq qadın terrorçunun hücumdan sonra qaçmaq üçün “müştəri” olaraq mindiyi taksini tapıb. Taksi sürücüsünün ifadələrindən sonra polis hücumu həyata keçirən Əhlam Albəşiri Küçükçekmece Kanarya məhəlləsindəki evdə yaxalayaraq saxlayıb.
Şayəstə