İsrail Hərbi-Dəniz Qüvvələrinin arsenalına daxil edilən “Saar 6” tipli hərbi gəmilərin Livan və Əbu-Dabidən (Birləşmiş Ərəb Əmirlikləri) olan şəriklərin sahib olduqları şirkətin tərsanəsində hazırlandığı məlum olub.İsrail mediası xəbər verir ki, İsrailin Almaniyaya məsxus “Thyssenkrupp” şirkətindən aldığı 4 ədəd “Saar 6” modeli korvet tipli hərbi gəminin ərəbəsilli iş adamlarının tərsanəsində inşa edildiyi məlum olub. İsrail Müdafiə Nazirliyindən bildirildiyinə görə, onlar hərbi gəmilərin hazırlandığı tərsanənin kimlərə məxsus olduğunu biliblər. Lakin açıqlamada qeyd olunub ki, həmin tərsanədə gəmilərin sadəcə, gövdəsi hazırlanıb, qalan bütün detallar isə İsraildə montaj edilib. Həmin hərbi gəmilərin Kipr sahillərindəki qaz quyularının mühafizəsinə cəlb olunduqları bildirilir.
Bu çərçivədə yayılan digər məlumata görə, 10 il əvvəl informasiya təhlükəsizliyi üzrə əməkdaşlar Almaniyadakı tərsanədə fəaliyyət göstərən təhlükəsizlik rəisinə “Thyssenkrupp” şirkətində İranın da payının olması haqda xəbərdarlıq ediblər. Eyni zamanda, “Yedıyort Ahronot”un cümə xəbərlərində də bu bağlılıq ifşa olunmuşdur. Bildirilir ki, Təhlükəsizlik rəisi İranla bağlı xəbərdarlığa baxmayaraq, hərbi gəmilərin alınması prosedurunu davam etdirib. O baxımdan, İsrail Müdafiə Nazirliyinin bu barədə məlumatının olmamasına dair iddiası reallıqdan uzaqdır.
Məlumata görə, İran körfəzi bölgəsində ən güclü tərsanələrdən biri olan həmin müəssisə İsgəndər Səfa tərəfindən idarə edilən “Abu Dhabi Mar” şirkətinə məxsusdur. İ.Səfa şirkətin səhmlərinin 30 faizinin sahibidir. Səhmlərin qalan 70 % isə “Alain” holdinqinə (http://alainholding.ae/) aiddir.
Qeyd olunur ki, “Abu Dabi Mar” ilə “Thyssenkrupp” şirkətləri arasındakı əlaqələr 2009-cu ildə yaranıb. 2010-cu ilin aprelində isə bağlanmış anlaşmaya əsasən, “Thyssenkrupp”ə məxsus mülki gəmilər inşa edən bir şirkət “Abu Dhabi Mar” ın nəzarətinə keçməli və şirkətlər arasında hərbi gəmilərin inşasında 50-50-yə prinsipi ilə ortaqlıq qurulmalı idi. Tərəflər 2011-ci ilin mayına qədər ortaqlığı davam etdirsələr də, sonra işbirliyini dayandırıblar. Lakin belə görünür ki, onların arasında əlaqələr heç də tamamilə qırılmayıbmış. Bunun nəticəsi olaraq, Almaniyanın Kiel şəhərindəki “HDW Gaarden” tərsanəsi satıldı və 2011-ci ildə adını dəyişərək “Abu Dhabi Mar”a çevrildi. Maraqlıdır ki, 2015-ci ildə İsraildən sifariş alınmazdan 2 ay əvvəl “Thyssenkrupp” tərsanənin adını “Abu Dhabi Mar Kiel”dən “”German Naval Yards”a dəyişdi (http://www.germannaval.com/). Bu addım onunla izah olunur ki, tərsanənin ərəbcə adı İsrailin narahatlığına səbəb ola bilərdi.
İsrailin “Yediyot Ahronot” qəzeti “German Naval Yards” şirkətinə sorğu göndərərək, İsrailə satılan gəmilərin istehsalında bu qurumun iştirakı olub-olmadığını dəqiqləşdirməyə çalışıb. Nəticədən belə məlum olur ki, cavab müsbətdir.
Qeyd edək ki, İsrailin “Yediyot Ahronot” nəşri bu ölkə üçün hərbi gəmilər inşa edən “Thyssenkrupp” şirkəti səhmlərinin bir hissəsinin İrana məxsusluğu barədə material dərc edib. Qəzetin məlumatına görə, İranın xarici ölkələrdəki sərmayəsini idarə edən İFİC şirkəti 2011-ci ildən etibarən, “Thyssenkrupp qrupunun səhmlərinin 80 % sahibdir. İran bu sərmayəsindən yüzmilyonlarla dollar qazanır. İFİC 2006-cı ildə tək səhmlərdən 18.5 milyon avro qazanıb.
Son şərhlər