Təəssüf ki, cavab çox çətindir.
Elchi.az xəbər verir ki, bunu ukraynalı hərbi-siyasi şərhçi Aleksandr Kovalenko İsrail-Fələstin savaşının İran PUA-larının Ukraynaya hücumlarına təsir edib-etməyəcəyi barədə sualı cavablandırarkən deyib.
Kovalenko İsrailin əməliyyatının Rusiyaya İran PUA-larının tədarükünü poza biləcəyi iki əsas məqamı qeyd edib:
“Birincisi, İsrailin İrana, onun hərbi-sənaye kompleksinə endirdiyi zərbələr və bununla da “Şahid-131/136” istehsal xətlərinin dağıdılması nəticəsində mümkündür.
Amma təəssüf ki, kamikadze dronların istehsalı yerin dərinliklərində baş verir. Bu cür müəssisələri məhv etmək üçün ağır bunkerləri məhv edən bombalardan istifadə etmək lazımdır. Bu, hərbi hava qüvvələrinin İran hava məkanında hərbi əməliyyatı deməkdir.
İkincisi, İsrail ordusunun Qəzza zolağında keçirdiyi əməliyyat nəticəsində İran “Şahid”ləri İsrailə hücumlar həyata keçirmək üçün HƏMAS-a təhvil verməyə başlayacaq. Bu isə kiçik ehtimaldır”.
O bildirib ki, HƏMAS daha ucuz və daha sürətli PUA-lardan, raketlərdən istifadə edir və onlar Dəmir Qübbə tərəfindən ələ keçirilir. İsrailə qarşı “Şahid-131/136” PUA-ları Ukraynadakı kimi effekt verməyəcək.
Qeyd edək ki, İran İsrail-Fələstin münaqişəsində HƏMAS-a həm siyasi, həm də hərbi sahədə ciddi dəstək verir.
Son şərhlər