İsrail ordusunun Livanın cənubunu artilleriya atəşinə tutması böyük yanğına səbəb olub.
Elchi.az xəbər verir ki, İsrail ordusu Livanın cənubunda sərhəddə yerləşən Alma əş-Şaab qəsəbəsi yaxınlığında bəzi hücumlar həyata keçirib.
Livanın rəsmi agentliyi NNA-da yer alan xəbərə görə, İsrail bəzi evlərə yaxın əraziləri və qəsəbə ətrafındakı zeytun bağlarını artilleriya atəşi ilə vurub.
Xəbərdə hücumdan sonra bölgədə başlayan yanğının sürətlə yayılmağa başladığı, nəzarət altına alına bilməyən yanğının evlərə doğru yaxınlaşdığı bildirilib.
AA-nın bölgədəki müxbirinin verdiyi məlumata görə, Livan ordusu, mülki müdafiə qrupları, yanğınsöndürmə briqadası və Birləşmiş Millətlər Təşkilatının Livan Müvəqqəti Sülh Qüvvələri yanğını söndürmək üçün hərəkətə keçib.
Oktyabrın 8-dən İsrail və Livan sərhədində Hizbullah ilə İsrail ordusu arasında toqquşmalar gedir.
Şayəstə Hüseynova
