Elchi.az Anadolu Agentliyinə istinadən xəbər verir ki,İsrail qüvvələri işğal altındakı İordan çayının qərb sahilində atəş açaraq bir fələstinli uşağı yaralayıb.
Fələstin dövlət televiziyası xəbərdə bildirilir ki, İsrail qüvvələri Cenin şəhərinin qərbindəki Əl-Araka qəsəbəsindəki ayırma hasarının yaxınlığında 12 yaşlı fələstinli uşağa atəş açıb.
Xəbərdə fələstinli uşağın kürəyindən orta dərəcəli xəsarət aldığı bildirilib.
Hebron şəhərinin Beyt-Ummar qəsəbəsində yaşayan fələstinli fəal Məhəmməd İyad Avad İsrail qüvvələrinin onların qəsəbəsinə basqın etdiyini bildirib.
İsrail qüvvələri ilə qəsəbə sakinləri arasında atışma yaşandığını qeyd edən Avad, İsrail qüvvələrinin gözyaşardıcı qazla müdaxiləsi zamanı fələstinli gənclərin daş ataraq cavab verdiyini bildirib.
Avad əlavə edib ki, gözyaşardıcı qazdan çoxlu fələstinli zərər çəkib.
İsrail ordusunun basqınları ilə bölgədə can itkisi artıb
2023-cü ilin əvvəlindən İsrail ordusu işğal altındakı İordan çayının qərb sahilinin müxtəlif bölgələrində reyd və saxlama əməliyyatlarını gücləndirib.
Əsgərlər basqınlara etiraz edən fələstinlilərə qarşı plastik güllələrdən başqa , tez-tez həqiqi güllələrdən də istifadə edir. Xüsusilə İordan çayının qərb sahilinin şimalında, Cenin və Nablus kimi bölgələrdə İsrail əsgərləri ilə basqınlara reaksiya verən fələstinli qruplar arasında da ara-sıra toqquşmalar olur.
Nuranə Məmmədova
Son şərhlər