İspaniya yayın üçüncü isti dalğasına hazırlaşır və temperaturun 47 dərəcə Selsiyə qədər yüksələcəyi proqnozlaşdırılır.
Elchi.az xəbər verir ki, İspaniya Dövlət Meteorologiya Agentliyi (AEMET) Afrikadan gələn isti və quru havanın yaratdığı “istilik günbəzi”nin yaratdığı isti dalğanın həftə boyu davam edəcəyini açıqladı.
Proqnozlara görə, məşhur turizm məkanı olan Malaqa şəhərində temperaturun 45 dərəcə Selsiyə çatacağı, cənub bölgələrində isə 44 dərəcə Selsiyə, Kataloniyada isə 42 dərəcə Selsiyə çatacağı gözlənilir.
İstilik dalğası səbəbindən meşə yanğınlarının baş verdiyi ölkədə təkcə bazar ertəsi günü 26.000 hektardan çox ərazinin yandığı və Bedar yaxınlığındakı yanğında 13 nəfərin həyatını itirdiyi bildirilib.
İspaniyada indiyə qədər qeydə alınan ən yüksək temperatur 14 avqust 2021-ci ildə Qvadalkvivir hövzəsində 47,6 dərəcə Selsi olub.
Şayəstə
