İspaniya hökuməti Fransada terror hücumlarından sonra radikal dindarlara qarşı yeni qanun layihəsi hazırlayıb.
Axar.az xəbər verir ki, “Cihadçılara qarşı şok plan” adı altında hazırlanan qanuna görə, müəllimlər və həkimlər ətraflarında gördükləri radikal dindarlar haqda rəsmi orqanlara məlumat verəcək.
Qanun layihəsi ilk olaraq İspaniyada müsəlmanların yaşadığı bölgələrdə tətbiq olunacaq. Buradakı məhəllələrə xüsusi nümayəndə təyin ediləcək və müsəlman gənclər müşahidə altında tutulacaq.
Yeni layihənin əsas məqsədinin cihadçı gənclərin qarşısını almaq olduğu bildirilir.
Qeyd edək ki, İspaniyada təxminən 1 milyon 500 minə yaxın müsəlman yaşayır.
Son şərhlər