İspaniyada 200-dən çox sənətçinin imzası ilə nəşr olunan manifestdə “İsrailin Qəzzada Fələstin xalqına qarşı soyqırımı” pislənilib.
Elchi.az xəbər verir ki, aralarında Marisa Paredes, Emma Suarez, Juan Diego Botto, Ismael Serrano, Carmen Paris, Beatriz Rico, Ana Fernandez, Rozalen və Ramoncin kimi tanınmış adların da olduğu 200-dən çox sənətçi “İspan mədəniyyətinin Qəzza soyqırımına qarşı manifestosu” adlı manifest imzalayıb.
Manifestdə Fələstinin işğal olunmuş ərazilərində dərhal atəşkəs və humanitar yardımların çatdırılması tələb edilərkən, İspaniya hökumətindən Fələstin xalqının köçkünlüyünün dayandırılması və insan haqlarını pozanların cəzalandırılması üçün hərəkətə keçməsi istənilib.
Bundan əlavə, İspaniyadakı bəzi qeyri-hökumət təşkilatları İsrailə qarşı apardıqları boykot kampaniyasında ictimaiyyətə “Starbucks, McDonalds-a getməyin, Disney, Coca Cola, Nestle, L’Oreal məhsulları almayın” çağırışı edib.
Nuranə Məmmədova
