İslami Cihad İsrailə raket zərbələri endirərkən hazırkı münaqişədə ilk dəfə Qüdsü hədəf alıb.
Elchi.az CNN kanalına istinadən xəbər verir ki, Fələstinli yaraqlılar cümə günü Qüds, Təl-Əviv və işğal altındakı İordan çayının qərb sahilindəki İsrail yaşayış məntəqələrinə raket zərbələri endiriblər.
Bu həftənin əvvəlində başlayan hazırkı hərbi əməliyyatlarda Qüds əvvəllər raketlərin hədəfinə çevrilməyib.
İslami Cihadın Əl Qüds Briqadaları raket atəşindən qısa müddət sonra verdiyi açıqlamada deyib: “Qüdsə doğru buraxılış bir mesajdır və hər kəs onun məqsədini başa düşməlidir. Qüds gözümüzün qabağındadır və orada baş verənlər Qəzzadan ayrı deyil”.
O, əməliyyatı “Azadların qisası” adlandırıb.
İsrail və Qəzzada İslami Cihad arasında atəşkəs əldə etmək üçün danışıqlar “hazırda buz üzərindədir”.
Nuranə Məmmədova
