Ölkənin daxili işlər nazirindən sensasion açıqlama 
Böyük Britaniyanın Daxili İşlər Nazirliyinin rəhbəri sensasion xəbərdarlıqla çıxış edib. Xanım Tereza Mey (Theresa May) bildirib ki, “İraq Şam İslam Dövləti” (İŞİD) Britaniyaya hücum etmək üçün kimyəvi, bioloji, hətta nüvə silahı əldə etməyə çalışacaq. Nazir Tori Partiyasının konfransında çıxışı zamanı belə bir bəyanat verib. Bu barədə “The Independent” qəzeti məlumat yayıb.
Dövlət yetkilisi bildirib ki, ekstremist qrupların qarşısını kəsmək üçün yeni tədbirlər həyata keçirilməlidir. Artıq təhlükə o həddədir ki, bu qrup İraqda və Suriyada “dünyanın birinci həqiqi terrorist dövləti”n qura bilərlər. Həmin dövlət bizdən cəmi bir neçə saatlıq uçuş məsafəsində olacaq.
“Biz səksənməməliyik. Biz məsuliyyətimizdən imtina etməməliyik. Biz təhlükəyə və etibarsızlığa tərəf yuvarlanmamalıyıq. Hələ də şansa malikik, onları darmadağın etmək üçün hərəkət etmək lazımdır”.
İki il əvvəl xanım Mey tərəfindən müdafiə edilən təklifdə deyilirdi ki, insanların İnternet, elektron poçt və mobil telefon fəaliyyətini yaddaşda saxlayan fayıllara dövlətin girişinə icazə verilməlidir. Dövlət bu məlumatlardan terror təhlükəsinin dəf edilməsi üçün yararlana bilər. Ancaq Liberal Demokratlar bu təklifə güclü müqavimət göstərdilər.
Nazir konfransda deyib ki, bizim düşmənlərimiz deyəndə ki, biz sizə hücum etmək istəyirik, onlar həqiqəti söyləyirlər. Tarixdən bunu çoxdan öyrənmək lazım idi.
“Günahsız adamlar bu dəqiqə təhlükədədir. Əgər biz hərəkət etməsək, itkilərimiz daha çox olacaq“, nazir deyib.
Elbəyi Həsənli, Sürix
Son şərhlər