|
İraq və Suriyada İŞİD terror qruplaşmasına ağır zərbələr endirilib. Bu barədə ABŞ Mərkəzi Konamdanlığının (CENTCOM) açıqlamasında bildirilir. ABŞ qırıcıları Suriya və İraqda İŞİD-in mövqelərinə 23 dəfə hücum edib. Hücumlardan 18-i Suriyada həyata keçirilib, əsasən Kobani şəhərindəki İŞİD mövqeləri bombalanıb. Açıqlamaya görə, bombardman zamanı İŞİD-in mövqeləri darmadağın edilib, İŞİD-ə aid 16 bina məhv olunub. İraqda isə Hadisa Barajı şəhəri yaxınlığında İŞİD-ə məxsus silahla dolu maşın karvanı, Beyci yaxınlığında isə 4 hava hücumu nəticəsində terrorçuların bir binası, hərbi texnikası, bir neçə topu məhv edilib. ABŞ Mərkəzi Konamdanlığının bildirdiyinə görə, bu hücumlar nəticəsində İŞİD-ə ilk dəfə olaraq belə ağır zərbə vurulub. Amerikalı hərbçilərin məlumatına görə, Suriyanın Kobani şəhərində hava zərbələri zamanı “İraq Şam İslam Dövləti”nin yüzlərlə üzvü ölüb. Məlumatı “Reuters” Pentaqon nümayəndəsinə istinadən yayıb.
Kontr-admiral Con Kirbi isə Vaşinqtondakı çıxışında bildirib ki, silahlıların hücumu baxımından Kobaninin təhlükəsi davam edir.
|
Son şərhlər