Dekabrın sonunda başlayan etirazlar cümə axşamı günü İranın bütün 31 əyalətinə yayıldı. Tehran, Kirmanşah, Abadan, Təbriz və Şiraz kimi böyük şəhərlərdə minlərlə insan küçələrə çıxdı.
Elchi.az xəbər verir ki, Norveçdə yerləşən İran İnsan Haqları (İHH) təşkilatı etirazlar başlayandan bəri təhlükəsizlik qüvvələri tərəfindən 8 uşaq da daxil olmaqla ən azı 45 etirazçının öldürüldüyünü açıqladı.
Yerli mənbələr və rəsmi açıqlamalar təhlükəsizlik işçiləri də daxil olmaqla ən azı 21 nəfərin həyatını itirdiyini bildirir. İnsan haqları qrupları çərşənbə gününün indiyə qədər 13 ölüm hadisəsi ilə “ən qanlı gün” olduğunu bildirdilər.
İqtisadi böhran səbəb oldu
Etirazlara səbəb olan əsas amil İran rialının qəfil devalvasiyası və əsas ərzaq məhsullarının qiymətlərinin həddindən artıq artması idi. Bildirilir ki, ərzaq qiymətləri ötən illə müqayisədə 70 faizdən çox, dərman qiymətləri isə təxminən 50 faiz artıb. İran prezidenti Məsud Pezaşkian etirazçılara qarşı “maksimum təmkinlilik” göstərməyə çağırdı və dialoqun vacibliyini vurğuladı.
Şayəstə
