Tehranın Baş Məhkəməsi İslam İnqilabı Keşikçiləri Korpusunun elit hərbi birləşməsinə daxil olan Qüds Qüvvələrinin keçmiş komandiri Qasım Süleymaninin qətlini 50 milyard dollar dəyərində qiymətləndirib. Elchi.az xəbər verir ki, bu barədə RİA Novosti məlumat yayıb.
Məhkəmənin bəyanatında deyilir: “ABŞ və ABŞ-dakı 41 digər fiziki və hüquqi şəxs general Qasım Süleymaninin şəhadəti zamanı törədilən cinayətlərə görə 49 milyard və 770 milyon dollar təzminat ödəməyə məhkum edilib”.
Qeyd edək ki, Süleymaniyə hücum 2020-ci il yanvarın 3-də ABŞ-ın Bağdad hava limanına endirdiyi hava zərbəsi nəticəsində bildirilib. Buna cavab olaraq Tehran yanvarın 8-nə keçən gecə Amerikanın İraqdakı hədəflərinə onlarla raket zərbəsi endirib. Baş verən əməliyyat “Şəhid Süleymani” adlandırılıb. ABŞ heç bir itki olmadığını və hərbi bazalara minimal ziyan vurduğunu açıqlayıb.
Havar Şəfiyeva
Son şərhlər