IRIB: İranın “Əsl Vəd 4” əməliyyatının yeni dalğası indiyə qədərki ən kütləvi zərbədir.
Elchi.az xəbər verir ki, İranın dövlət televiziyası olan IRIB-in məlumatına görə, “Əsl Vəd 4” əməliyyatının 37-ci dalğasının bir hissəsi olaraq, İran indiyə qədər İsrail və ABŞ hədəflərinə qarşı ən güclü zərbələrini endirib.
Bölgənin bombalanması ən azı üç saat davam edib və münaqişənin kəskinləşməyə başlamasından bəri ən böyük zərbə olub.
Təhran hücumda Xorrəmşəhr super ağır raketlərindən və dronlarından istifadə etdiyi bildirilib. Təl-Əviv yaxınlığındakı peyk rabitə mərkəzi və Hayfa və Qərbi Qüdsdəki hərbi hədəflər atəşə tutulub. 9 martda İslam İnqilabı Keşikçiləri Korpusu (İİKK – İran Müdafiə Nazirliyinin elit bölməsi) “Əsl Vəd 4” əməliyyatının 31-ci bölümünü Silahlı Qüvvələrin yeni Ali Baş Komandanı Ayətullah Müctəba Xameneiyə həsr edib. İsrailə və Amerika hərbi bazalarına endirilən zərbələrdə güclü super ağır raketlərdən istifadə edilib.
28 fevralda ABŞ İsraillə birlikdə İrana qarşı hərbi əməliyyata başlayıb. İslam Respublikasının paytaxtı da daxil olmaqla, çoxsaylı şəhərlərinə hücum edilib. Bir zərbə Ali Lider Əli Xameneinin iqamətgahına dəyib; o, sağ qalmayıb. Cavab olaraq İran İsrailə və Yaxın Şərqdəki Amerika hərbi bazalarına raket və pilotsuz təyyarələrlə hücum edib.
Şayəstə
