Ermənistan hakimiyyəti Laçın yolu məsələsində “dəvəquşu siyasəti” aparır.
Elchi.az xəbər verir ki, bunu erməni deputatı Ermənistan Respublika Partiyasının üzvü Hayk Mamicanyan deyib.
“Hakimiyyətin yanaşması məni çaşdırır. Məsələn, onların danışıqlar prosesi ilə bağlı mövqeyini başa düşmürəm. Başa düşə bilmirəm və heç kim də mənə izah edə bilmir ki, Moskvada üçtərəfli görüşü boykot etməyin məntiqi nə idi? Əgər hakimiyyət orqanlarının fikrincə, Laçın yolundakı vəziyyətin həllinə Rusiya və Azərbaycan cavabdehdirsə, onda görüşdən və bu məsələni müzakirə etməkdən imtina etmək nəyə lazım idi?” – o bildirib.
Mamicanyan qeyd edib ki, Ermənistan hakimiyyətinin mövqeyi ona başını quma soxaraq, təhlükəsiz olduğunu düşünən dəvəquşunu xatırladır:
“Hökumət orqanları da belədir. Onlar öz mövqelərini və kabinetlərini qorumağa çalışırlar, qalan hər şeyi müdafiəsiz qoyurlar. Qalan hər şey isə erməni xalqıdır”.
Son şərhlər