Cəmil Həsənlinin proqnozu düz çıxırCəmil Həsənlinin proqnozundan biri doğrulmaq üzrədir. Belə ki, otən gün 17 sayli Yasamal üçüncü seçki dairəsinin favoriti sayilan Lalə Əhmədovanın namizədliyini YAP geri çəkib. Seçki müşahidəçilərinin adi çəkilən dairədən favorit hesab etdikləri xanimin gözlənilmədən geri çəkilməsi birmənali qarşilanmayıb. YAP-ın bu addımından sonra siyasi kluarlarda Cəmil Həsənlinin seçkilərlə bağlı proqnozu etibarlılıq baximindam bir qədər də möhkəmlənib.
Onun iddiasına görə 17 saylı üçüncü seçki dairəsindən İlhamiyyə Rzanın hakimiyyətin siyahısında yer aldığı deyilirdi. YAP-in sonuncu addımı da bir daha təsdiq edir ki, hakimiyyət İlhamiyyə Rzanın yolunun təmizlənməsi ilə məşguldur. Nəzərə alsaq ki, namizədliyi geri çəkilən Lalə Əhmədovanın adı hakimiyyətin daha ciddi isimlərinin yanında çəkilirdi, o zaman vəziyyətin, doğrudan da, ikinci xanımın xeyrinə dəyişdiyini görməmək olmur.
Nə baş verir? Dogrudanmı, hakimiyyət MTN-nin yaninda yer alan İqbal Ağazadədən qurtulmağın yolunu elə həmin qurumun digər bir əməkdaşını önə çəkməkdə görür. Əldə etdiyimiz ilginc məlumatlara gorə, hakimiyyət içərisindəki maraqlı qüvvələr İqbal Ağazadəni məhz onun yaratdıgı “125-lər” blokunun və yenə də məhz onun özünün əli ilə önə çəkdiyi İlhamiyyə Rzanın vasitəsilə sındırmaga çalışır. Və ən maraqlı məqam burasıdır ki, İqbal Ağazadənin vurulduğu müstəviyə iqtidarın çıxardığı fiqurun özü yenə də elə həmin kurasiyanın adamıdır.
Hələ İlhamiyyə Rzanın illər öncə MTN-nin Bilgəhdəki sanatoriyasında istirahət etdiyini görən qonşulara elə o zamandan məlum idi ki, xanım namizəd ora məhz MTN-in xətti ilə yerləşdirilib. Və neçə illərdi İlhamiyyə Rzanın ailəsi ilə birlikdə MTN-nin Bilgəhdəki sanatoriyasında istirahət etməsi elə bu gun xəyanətə görə həbsə alinan MTN generallarının əli ilə olub.
Proseslərin gedişinə əlahəzrət məntiqlə yanaşsaq, onda İlhamiyyə Rzanın 17 saylı üçüncü seçki dairəsindən millət vəkili seçilmək imkanı müşkülə çevrilməlidir. Elə siyasi müşahidəçilərin də məlum MTN olaylarından sonra gəldikləri qənaət ondan ibarət idi ki, son hadisələr çərçivəsində məlum dairədən namizədliyini geri çəkəcək bir namizəd olacaqdısa, o da İlhamiyyə Rza olmalı idi.
O zaman ərli-arvadlı ailələrini “qonorar” hesabına dolandıran İlhamiyyə Rzanın karyerasına bu qədər maliyyə yatıran kimdir? Heç kimə sirr deyil ki, xanım namizəd seçki başlayandan bu günədək kampaniyasının aparılması üçün kifayət qədər maliyə xərcləyib. Azərbaycan reallıqları çərçivəsində o da bəllidir ki, heç kim xanımın seçilməyəcəyi təqdirdə bu qədər vəsaitdən vaz keçməz. Bu baximdan artıq İlhamiyyə Rzanın seçki günündən qabaq millət vəkili mandatını cibinə qoydugunu söyləməyə şübhə qalmır.
Yazı çapa hazırlanarkən redaksiyamıza daha ilginc məlumat daxil oldu. Bildirildiyinə görə, siyasi hakimiyyətin İlhamiyyə Rzanın üzərində dayanması öncədən hazırlanan planın tərkib hissəsidir. Administrasiyada hazırlanan plana gorə, İlhamiyyə Rza planlı şəkildə İqbal Ağazadənin yanında yerləşdirilib. Seçkidən məğlub ayrılan İqbal Ağazadə reallıqla barışmaq məcburiyyətinə gətirilir. Bir müddət partiyanı parlamentdə təmsil edən İlhamiyyə Rza daha sonra partiya sədrliyinə gətirilir ki, bu yolla hakimiyyətin uzun illərdi qurdugu partiya yaranmış vəziyyətdən minimum itki ilə çixir.
Son şərhlər