“Bizim sahib olmalı olduğumuz “yüngül” və “çətin”bacarıqlar var ki, bunlar da bizə istər şəxsi, istərsə də iş həyatımızda mütləq lazım olur. Bu kimi bacarıqları isə inkişaf etdirmədən həyatımızın hər hansı bir sferasında uğur qazanmaq mümkünsüzdür”-bu sözləri Elchi.az saytına açıqlamasında Şəxsi inkişaf üzrə təlimçi
Münasibətlər üzrə kouç
NLP Master Həmidə Yaqubova deyib.
O həmçinin qeyd edir:” Uşaqlıqdan biz təhsil alıb müxtəlif peşələrə sahib oluruq. Bu biliklər bizə “çətin” bacarıqlarımızı inkişaf etdirir. Lakin cəmiyyətdə uğur qazanmaq üçün bu yetmir. Burda bizim yardımımıza məhz bu “yüngül” bacarıqlar gəlir. Şəxsi inkişaf deyərkən məhz bu hər iki tərəfin inkişafı nəzərdə tutulur.
Həyatımız məktəb və universitet dönəmi ilə bitmir. Daha böyük bir dünyaya atılırıq. Və bu dünyada baş çıxarmaq üçün şəxsi bacarıqlarımızı inkişaf etdirməmiz mütləqdir. Əlbəttə kitablar oxuyaraq da bunu etmək mümkündür. Lakin bir var hər mövzunu araşdırmaq üçün 100 kitab oxuyasan, bir də var lazım olan 100 kitabı oxumuş, bu sahədə ixtisaslaşmış mütəxəssisdən dərs alasan. Təlimlərin özəl tərəfi odur ki, siz mütəxəssisdən qısa zamanda sizə lazım olan bilgiləri almış olursunuz.
Əlbəttə ki, təlimlərə qatılmaq, hətta mümkün dərəcədə qrup təlimlərində, workshop-larda iştirak etmək, yeni bilikləri mütləq tədbiq etməkdir. Bir də özünüzü inkişaf etdirmək istədiyiniz sahədə fəaliyyət göstərən uğurlu insanları izləməkdir. Onları modelləməkdir. Bu səbəbdən hər zaman deyirəm, ətrafınızda uğurlu insanlar yığın ki, real nümunələriniz olsun.
Şəxsi intizam fərqindəlikdən başlayır. Öncəliklə özünüzə doğru suallar və səmimi cavablar verməlisiniz. Daha sonra öz öncəliklərinizi, dəyərlərinizi və real imkanlarınızı analiz etməlisiniz. Yaxşı olar ki, hər şeyi bir dəftərdə yaxud vərəqdə qeyd edəsiniz. “Hansı davranışlar sizə mane olur?”, “Kimlər sizin zamanınızdan oğurlayır?”, “Sizə nələr manə olur?”, “Hansı davranışları dəyişmək istərsiniz?”Bu sualları cavabladıqdan sonra özünüzə 21 günlük davranış cədvəli tərtib edə bilərsiniz. İstəmədiyiniz vərdişdən qurtula və yeni müsbət vərdişlər yarada bilərsiniz.
Ən əsası insanın özünün dəyişmək istəyidir. Bu istək varsa, daxili intizamı inkişaf etdirmək də elə çətin deyil”.
Həmidə Yaqubova şəxsi inkişaf təlimləri özgüvən əskikliyi, hədəfsizlik, ayrılıq sonrası stress, fərqindəliksiz həyat, emosional tükənmişlik və s problemlərin aradan qaldırdığını qeyd edib :”Əslində hər insan sadəcə yeni bir şeylər öyrənmək üçün gəlir. Lakin gözlədiklərindən daha çox şey əldə etmiş olurlar. Bunu dəfələrlə təlim keçdiyim insanların etiraflarından, hətta onlayn təlimlərə qoşulmuş insanların rəylərindən görürəm. İnsanlar bu təlimlərin sayəsində cəmiyyətə adaptasiya olurlar, dinləmə və eyni zamanda özlərini ifadə etmə qabiliyyətləri artır, özlərinə gözəl dostlar tapırlar. Ən əsası da ehtiyacları olan sahədə bacarıqlarını, eyni zamanda da dünya görüşlərini artırmış olurlar”.
Havar Şəfiyeva
Son şərhlər