Ukrayna ordusu Donetsk vilayətinin İlovaysk şəhəri yaxınlığında gedən döyüşlərdə 107 hərbçi itirib.
APA-nın “İTAR-TASS”a istinadən verdiyi xəbərə görə, bu barədə Ukrayna müdafiə naziri Valeri Geletey yerli “Pyatıy kanal” telekanalına müsahibəsində bildirib.
“Güman ki, cəsədlərin tanınması davam edəcək, lakin bu günə olan rəqəm 107-dir. Biz ən yaxşı vətənpərvərlərimizi itirdik”, deyə o bildirib.
Xatırladaq ki, avqustun sonunda Ukrayna Silahlı Qüvvələrinin, Milli Qvardiyasının və könüllülərin bir neçə taborunu İlovaysk yaxınlığında mühasirəyə düşüb. Baş prokuror Vitali Yarema sentyabrın 10-da o zaman azı 200 nəfərin həlak olduğunu bildirib.
Həmin hadisələrin araşdırılması məqsədi ilə Ali Rada müvəqqəti istintaq komissiyası yaradıb
Son şərhlər