Tesla-nın baş direktoru İlon Mask şirkətin gələcəyini avtonom avtomobil texnologiyası və robotaxi xidmətinə bağlayır. Mask, illərdir vəd edilən bu texnologiya üçün ilk xidmətin iyunun 22-də ABŞ-ın Ostin şəhərində başlayacağını açıqlayıb.
Elchi.az xəbər verir ki, Mssk, bu yeni xidmətin Tesla üçün “indiyə qədər istehsal edilən ən vacib məhsul” olacağını söylədi. Bununla belə, robotaxi ideyası ilə bağlı həm təhlükəsizlik, həm də kommersiya davamlılığı baxımından hələ də sual işarələri var.
Nəhəng rəqiblər imtina etdilər
Avtonom avtomobil sektorunda General Motors və Ford kimi nəhəng istehsalçılar milyardlarla dollar xərcləsələr də, əvvəllər layihələrindən imtina etmişdilər. GM robotaxi bazarının “çox rəqabətli və bahalı” olduğunu bildirsə də, Ford avtonom nəqliyyat vasitələri ilə bağlı araşdırmalarını tamamilə dayandırdı.
Bununla belə, ekspertlərin fikrincə, Teslanın əsl rəqibləri Uber və Lyft kimi insan sürücüləridir. “Problem daha iqtisadidir. Əgər şirkət mühəndislər, mexaniki dəstək və uzaqdan idarəetmə qrupları üçün pul ödəməlidirsə, öz avtomobillərini aşağı qiymətə idarə edən Uber sürücüləri ilə rəqabət aparmaq asan deyil” deyə Stanford Universitetindən Bryant Walker Smith bildirib.
Şayəstə Hüseynova
