İlham Əliyev 3 fərman imzaladı

Azərbaycanla Türkiyə arasında tikinti işləri sahəsində əməkdaşlığa dair protokol təsdiq edilib.

Elchi.az xəbər verir ki, bununla bağlı Prezident İlham Əliyev fərman imzalayıb.

Fərmana əsasən, 2022-ci il dekabrın 22-də Ankara şəhərində imzalanmış “Azərbaycan Respublikası Hökuməti ilə Türkiyə Respublikası Hökuməti arasında tikinti işləri sahəsində əməkdaşlığa dair Protokol” təsdiq edilir.

Protokol qüvvəyə mindikdən sonra Azərbaycan Fövqəladə Hallar Nazirliyi onun müddəalarının həyata keçirilməsini təmin etməli, Azərbaycan Xarici İşlər Nazirliyi Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Türkiyə Hökumətinə bildiriş göndərməlidir.

***

Azərbaycanla Türkiyə arasında tikintidə normativ və qiymətqoyma sisteminin təkmilləşdirilməsi sahəsində əməkdaşlığa dair Anlaşma Memorandumu təsdiqlənib.

Bununla bağlı Azərbaycan Respublikasının Prezidenti İlham Əliyev fərman imzalayıb.

Fərmanda deyilir: Azərbaycan Respublikası Konstitusiyasının 109-cu maddəsinin 17-ci bəndini rəhbər tutaraq qərara alıram:

1. 2022-ci il dekabrın 22-də Ankara şəhərində imzalanmış “Azərbaycan Respublikası Hökuməti ilə Türkiyə Respublikası Hökuməti arasında tikintidə normativ və qiymətqoyma sisteminin təkmilləşdirilməsi sahəsində əməkdaşlığa dair Anlaşma Memorandumu” təsdiq edilsin.

2. Bu Fərmanın 1-ci hissəsində göstərilən Anlaşma Memorandumu qüvvəyə mindikdən sonra Azərbaycan Respublikasının Fövqəladə Hallar Nazirliyi onun müddəalarının həyata keçirilməsini təmin etsin.

3. Azərbaycan Respublikasının Xarici İşlər Nazirliyi Anlaşma Memorandumunun qüvvəyə minməsi üçün zəruri olan dövlətdaxili prosedurların yerinə yetirildiyi barədə Türkiyə Respublikası Hökumətinə bildiriş göndərsin.

***
Güzəştli vergi tutulan ölkələrin və ərazilərin siyahısında dəyişiklik edilib.

Bununla bağlı Azərbaycan Prezidenti İlham Əliyev Fərman imzalayıb.

Azərbaycan Prezidentinin 2017-ci il 11 iyul tarixli 1505 nömrəli Fərmanı ilə təsdiq edilmiş “Güzəştli vergi tutulan ölkələrin və ərazilərin siyahısı” bundan sonra aşağıdakı redaksiyada verilir:

1. Andorra

2. Anqila

3. Antiqua və Barbuda

4. Aruba

5. Baham adaları

6. Barbados

7. Bəhreyn Krallığı

8. Beliz

9. Bermud

10. Britaniya Vircin adaları

11. Bruney-Darüssalam

12. Cersi

13. Cəbəlüttariq

14. Dominika

15. Fici

16. Honq-Konq (ÇXR)

17. Kabo Verde

18. Kayman adaları

19. Qəmər Adaları İttifaqı

20. Kuk adaları

21. Labuan (Malayziya)

22. Qernsi

23. Qrenada

24. Liberiya

25. Lixtenşteyn

26. Makao (ÇXR)

27. Maldiv adaları

28. Marşal adaları

29. Mavriki

30. Men adası

31. Monako

32. Montserrat

33. Nauru

34. Niue

35. Palau

36. Panama

37. Samoa

38. Sent Lusiya

39. Sent Vinsent və Qrenadin

40. Seyşel Adaları

41. Sent-Kits və Nevis

42. Tailand

43. Tayvan (ÇXR)

44. Törks və Kaykos adaları

45. Trinidad və Tobaqo

46. Vanuatu

47. Vircin adaları (ABŞ).

Nazirlər Kabineti bu Fərmandan irəli gələn məsələləri həll etməlidir.