“NL Times” xəbər verir ki, Argentinada nasist məmurunun qızının evində “Gudstikker” kolleksiyasından italiyalı rəssam Cüzeppe Qhislandinin “Bir xanımın portreti” tapılıb.
Elchi.az xəbər verir ki, İkinci Dünya Müharibəsi zamanı rəsm yüksək vəzifəli nasist məmuru tərəfindən bir yəhudi kolleksiyasından oğurlanaraq Argentinaya aparılıb. Uzun müddət sənət əsərinin yerləşdiyi ev satışa çıxarılana qədər bu rəsmin harada olduğu bilinmirdi. Argentinalı rieltorun saytında təkcə evi deyil, həm də “Bir xanımın portreti” tablosunu görmək olardı.
Yəhudi sənət dileri Jak Qudstikkerin varisləri əcdadlarından oğurlanmış kolleksiyanı bərpa etməyə və bu tablonu geri qaytarmağa çalışırlar.
Hollandiya Mədəni İrs Agentliyinin İkinci Dünya Müharibəsindən qalma mədəni irs üzrə ekspertləri onun həqiqiliyinə şübhə etmirlər.
Cüzeppe Qhislandi, əsasən portretləri ilə tanınan italyan rokoko rəssamı idi. O, 4 mart 1655-ci ildə Berqamo yaxınlığındakı San Leonardoda anadan olub. O, Venesiyada təhsil alıb, burada Titian və Veronez sənətini öyrənib. Ghislandinin əsərləri Luvrda, Ermitajda, Vaşinqtonda Milli İncəsənət Qalereyasında, Amsterdamdakı Kral Muzeyində, Madriddəki Thyssen-Bornemisza Muzeyində və dünyanın digər böyük muzeylərində, həmçinin şəxsi kolleksiyalarda təqdim olunur.
Şayəstə Hüseynova
Son şərhlər