Sosial şəbəkələrdə Bərdə rayonunda küçə itlərinin kütləvi şəkildə öldürülməsilə bağlı görüntülər yayılıb.
Sakinlər Bərdə rayonu 866-cı qəsəbədə baş verən hadisə ilə bağlı göstərişin rayon icra başçısı Vidadi İsayev tərəfindən verildiyi iddia ediblər.
Sakinlər polisə müraciət etdiklərini, buna adekvat cavab ala bilmədiklərini deyiblər.
Bərdə rayon İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri Bəxtiyar Abdiyev Modern.az-a açıqlamasında faktı təkzib edib:
“Rayon ərazisində küçə heyvanları var və hər gün daha da artır. Amma rəhbərlik tərəfindən itlərin öldürülməsilə bağlı hansısa göstəriş, tapşırıq verilməyib. Yayılan məlumat həqiqəti əks etdirmir”.
DİN-in Mətbuat Xidmətindən verilən məlumata görə, Bərdə rayonunda heyvanların öldürülməsi ilə bağlı rayon polis şöbəsində müvafiq araşdırmalara başlanılıb. Araşdırmaların nəticəsindən asılı olaraq məsələyə hüquqi qiymət veriləcək.
Son şərhlər