Səudiyyə Ərəbistanının Energetika Nazirliyi Yəməndə husilər tərəfindən Səudiyyə Ərəbistanının cənubundakı enerji obyektlərinin hədəfə alındığını və nəticədə müəyyən ərazilərdə yanğınların baş verdiyini bildirdi. Mülki və kommersiya obyektlərinə edilən hücumlarda yetmiş üç nəfər yaralandı.
Elchi.az xəbər verir ki, Səudiyyə Ərəbistanının Energetika Nazirliyi Yəməndən gələn husi qüvvələrinin ölkənin cənubundakı enerji obyektlərini hədəfə aldığını və bəzi yerlərdə yanğınlara səbəb olduğunu açıqladı.
Nazirlikdən verilən yazılı açıqlamada husilərin cənub bölgəsində bir sıra enerji obyektlərini və infrastrukturunu hədəfə aldığı bildirildi.
Bəyanatda hücumların bəzi ərazilərdə yanğınlara səbəb olduğu və müəyyən əməliyyat fəaliyyətlərinin müvəqqəti dayandırılmasına səbəb olduğu qeyd edildi.
Xüsusi sahə qruplarının yanğınları nəzarət altına almaq, əraziləri təhlükəsizləşdirmək və dəymiş ziyanı qiymətləndirmək üçün işə başladığı bildirildi; bəyanatda səlahiyyətli orqanların hücumların nəticələrini aradan qaldırmağa davam etdiyi vurğulandı.
Mülki və Kommersiya obyektləri hədəfə alındı
Bəyanatda obyektlərin və personalın təhlükəsizliyini, eləcə də əməliyyatların davamlılığını təmin etmək üçün əməliyyat planlarına uyğun olaraq zəruri tədbirlərin görüldüyü qeyd edildi.
Səudiyyə Ərəbistanının rəhbərlik etdiyi Ərəb Koalisiyasının sözçüsü briqada generalı Turki əl-Maliki daha əvvəl İran tərəfindən dəstəklənən Husilərin Səudiyyə Ərəbistanının Əbha, Xamis Muşait, Cazan və Nəcran şəhərlərindəki mülki və kommersiya obyektlərinə hücumları nəticəsində 73 nəfərin yaralandığını bildirmişdi.
Şayəstə
