Hindistanın şimal-şərqindəki Assam əyalətində daşqınlar nəticəsində ölənlərin sayı 78-ə çatıb.
Elchi.az xəbər verir ki, Assam Dövlət Fəlakətlərin İdarə Edilməsi İdarəsi (ASDMA) ştatdakı daşqınlarla bağlı yenilənmiş məlumat yayıb.
ABŞ-da yerləşən X şirkətinin sosial media platformasında verilən açıqlamada ASDMA daha 3 nəfərin cəsədinin tapıldığını və ölənlərin sayının 78-ə çatdığını bildirib.
Bəyanatda əlavə edilib ki, “Təsir alan əhaliyə dəstək olmaq üçün axtarış-xilasetmə və yardım işləri fasiləsiz davam edir”.
Assamın baş naziri Himanta Bisva Sarma fəlakətdən 1,1 milyondan çox insanın zərər çəkdiyini və 8 nəfərin hələ də itkin düşdüyünü bildirib.
Sarma qeyd edib ki, bölgədə təxminən 1718 yardım mərkəzi fəaliyyət göstərir.
Hindistan Meteorologiya Departamenti həmçinin Assamın müxtəlif yerlərində 3-4 gün ərzində güclü və çox güclü yağışların gözlənildiyi barədə məlumat paylaşıb.
Hakimiyyət orqanları güclü yağışlar zamanı ictimaiyyəti ehtiyatlı olmağa və vacib olmayan səyahətlərdən çəkinməyə çağırıb.
Şayəstə
