Hindistanda maliyyə cinayətləri ilə məşğul olan İcra Müdirliyi (ED) Britaniyanın BBC telekanalına qarşı ölkədəki ofislərindən əldə etdiyi gəlir və mənfəətləri şəffaf şəkildə bəyan etməməklə vergidən yayınma ittihamı ilə istintaq başlayıb.
“The Guardian” qəzetinin yazdığına görə, BBC-yə qarşı irəli sürülən vergidən yayınma ittihamı ilə bağlı istintaq vergi müfəttişlərinin fevralın 14-də BBC-nin ofislərində yoxlama apardıqdan sonra başlayıb.
Elchi.az xəbər verir ki, Hindistan Maliyyə Nazirliyi, BBC-nin Mumbay və Dehlidəki ofislərində apardığı araşdırmalardan sonra Britaniya yayımçısını ölkədəki ofislərindən əldə etdiyi gəlir və mənfəətləri şəffaf şəkildə bəyan etmədiyini iddia edərək, vergidən yayınmaqda ittiham edib.
Hindistan Gəlir Vergisi Departamentindən verilən açıqlamada, BBC-yə bağlı xaricdəki təşkilatların Hindistana etdiyi bəzi pul köçürmələrinin gəlir kimi göstərilmədiyi və bu pul köçürmələri üzrə vergilərin ödənilmədiyinə dair çoxlu dəlillər olduğu bildirilib.
Sənədli film reaksiyalara səbəb olub
Hindistan BBC-nin hazırladığı və ötən ay yayımlanan “Hindistan: Modi Problemi” sənədli filminin yayımını və sənədli filmdən hissələrin sosial mediada paylaşılmasını qadağan edib. Müxaliflər qadağanı mətbuat azadlığına hücum kimi qiymətləndiriblər.
Hindistan Xarici İşlər Nazirliyi sənədli filmin məqsədli təbliğat materialı olduğunu iddia etsə də, BBC sənədli filmin diqqətlə araşdırıldığını və fərqli fikirləri əks etdirdiyini iddia edib.
BBC xəbər verir ki, Hindistan hökuməti sənədli filmin çəkilişi zamanı cavab vermək hüququndan məhrum olub.
2002-ci ildə Modi Qucarat əyalətinin baş naziri olarkən əksəriyyəti müsəlman olmaqla 1000-dən çox insanın ölümünə səbəb olan hadisələr baş verib.
Yeganə
Son şərhlər