ABŞ-da üç vəhşi su samuru “HBO” serialı ilə tanınan aktrisa Kristal Finnə hücum edib. Elchi.az xəbər verir ki, bu barədə “San Francisco Chronicle” məlumat yayıb.
Finn bildirib ki, hadisə Kaliforniyada Feather Riverdə çimərkən baş verib. Leysan yağışlar səbəbindən çay daşdığı üçün aktrisa iri daşların arasından gələn suda üzmək qərarına gəlib. Aktrisa suya girən kimi kimsə onun ayağını dişlədiyini hiss edib.
Bundan sonra yaxınlıqda üç su samuru çıxıb. Aktrisa ayaqları ilə aqressiv üçlüklə mübarizə apararaq ən yaxın qayaya çata bilib.
İndi Finn Truckee şəhərindəki xəstəxanada müalicə olunur.
Bundan əvvəl ABŞ-ın Montana ştatında su samurunun 3 dostuna hücum etdiyi və onlardan birini ağır yaraladığı bildirilib.
Havar Şəfiyeva
Son şərhlər