Fələstinin HƏMAS hərəkatı İsraili Qəzza zolağına nəzarətini HƏMAS ilə anklavdakı İsrail qüvvələri arasında sərhəd xətti olan “Sarı Xətt” adlanan xəttdən kənarda genişləndirməkdə ittiham edib.
Elchi.az xəbər verir ki, bu barədə “Sky News Arabia” məlumat yayıb.
Radikal hərəkatın bildirdiyinə görə, İsrail qüvvələri zolağın inzibati mərkəzi Qəzza şəhərinin şərqində yerləşən Əl-Şucayya bölgəsində nəzarət zonasını genişləndirib.
HƏMAS hesab edir ki, İsrail hərbçiləri sarı xətti 300 metr irəli çəkib və beləliklə, birtərəfli qaydada bu əraziyə nəzarət bərqərar edib.
Oktyabrın 9-da İsrail və HƏMAS Misir, Qətər, ABŞ və Türkiyənin vasitəçiliyi ilə ABŞ prezidenti Donald Trampın təqdim etdiyi sülh planının birinci mərhələsini həyata keçirmək barədə razılığa gəliblər. Qəzzada atəşkəs oktyabrın 10-dan qüvvəyə minib.
Razılaşmaya uyğun olaraq, İsrail qoşunları anklavın mərkəzi ərazilərindən “Sarı Xətt” adlanan əraziyə çəkilib, İsrail isə sektorun 50%-dən çox ərazisinə nəzarəti saxlayıb.
Yeganə
