Hakimi söyən baş məşqçiyə ağır cəza
Bu gün AFFA İntizam Komitəsinin növbəti iclası keçirilib.
Qol.Az-ın PFL-in rəsmi saytına istinadən yaydığı xəbərə görə, İK Azərbaycan birinci divizionunun 20-ci turundakı bəzi qayda pozuntuları ilə bağlı qərarlar verib.
I Divizionun XX turunun “Şuşa Qarabağ” – “Şəmkir” matçının 89-cu dəqiqəsində “Şuşa Qarabağ” klubunun məşqçisi Toğrul Əhmədov texniki zona qaydalarını pozduğuna görə meydandan kənarlaşdırıldığı üçün 1 oyun cəzalanıb, klub 100 manat cərimə olunub.
Oyunun 89-cu dəqiqəsində “Şuşa Qarabağ” klubunun baş məşqçisi Nadir Qasımov texniki zona qaydalarını pozduğuna görə meydandan kənarlaşdırıldığı üçün 1 oyun cəzalanıb, klub 100 manat cərimə olunub.
Oyun başa çatdıqdan sonra “Şuşa Qarabağ” klubunun baş məşqçisi Nadir Qasımov geniş kütlə qarşısında hakimlər briqadasın təhqir etdiyinə görə 10 oyun cəzalanıb, klub 2000 manat cərimə olunub. Bu hal ikinci dəfə təkrar olunduğuna görə Nadir Qasımovun paltardəyişmə otağında və ehtiyat oyunçular skamyasında olmasına qadağa qoyulub.
I Divizionun XX turunun “Neftçala” – “Göyəzən” matçının 72-ci dəqiqəsində “Göyəzən” klubunun futbolçusu Babək Məhərrəmov ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 20 manat cərimə olunub.
Son şərhlər