Bir qrup “pirat fəal” Spotify-ın musiqi kataloquna daxil olub və milyonlarla trekdən istifadə ediblər. Onlar ümumi həcmi təxminən 300 terabayt olan 256 milyon sətir metadatanı və 86 milyon audio faylı götürüblər və bu faylları torrent vasitəsilə yaymağı planlaşdırırlar.
Elchi.az xəbər verir ki, bu barədə “Billboard” jurnalı məlumat verib.
21 dekabr tarixinə olan məlumata görə, fəallar yalnız metadatanı yayımlayıblar, lakin musiqi fayllarını hələlik paylaşmayıblar. Spotify nümayəndələri açıqlayıblar ki, aparılan araşdırmalar nəticəsində üçüncü tərəfin açıq metadatalardan istifadə edərək DRM qorunmasını aşmaq və bəzi audio fayllara daxil olmaq üçün qanunsuz üsullardan istifadə etdiyi aşkarlanıb.
Şirkət əlavə edib ki, hadisə ilə bağlı fəal şəkildə araşdırma aparılır. Onlar problemin miqyasını başa düşməyə və daha çox məlumat sızmasının qarşısını almağa çalışırlar.
Məryəm
