Gəncədə ölən azyaşlının ilkin ölüm səbəbi açıqlanıb.
Bu gün şəhərin Yeni Qəsəbə adlanan ərazisində ölən 2012-ci il təvəllüdlü Əli Əlizadənin valideynləri uşağın qıcolmadan öldüyünü deyiblər.
Uşağın anadangəlmə epilepsiya xəstəliyinin olduğu bildirilib.
Faktla bağlı prokurorluqda araşdırmalar davam etdirilir.
***
09.46
Gəncədə azyaşlı naməlum səbəbdən ölüb.
APA-nın yerli bürosunun məlumatına görə, hadisə şəhərin Yeni Qəsəbə adlanan ərazisində qeydə alınıb.
2012-ci il təvəllüdlü Ə.Əlizadə təcili tibbi yardım avtomobili ilə xəstəxanaya çatdırılıb. Həkimlərin müayinəsi zamanı onun öldüyü məlum olub.
Hadisə yerinə hüquq mühafizə orqanların əməkdaşları cəlb olunub.
Azyaşlının meyiti Məhkəmə-Tibbi Ekspertiza və Patoloji Anatomiya Birliyinin Gəncə şəhər şöbəsinə aparılıb.
Meyit müayinə olunduqdan sonra ailəsinə təhvil veriləcək.
Faktla bağlı araşdırma aparılır.
Son şərhlər