Gürcüstanın 147 hərbi qulluqçusu Əfqanıstandan vətənə qayıdıb

Gürcüstan Silahlı Qüvvələrinin dağlıq-kəşfiyyat batalyonunun 147 hərbiqulluqçusu noyabrın 2-də səhər Əfqanıstandan vətənə qayıdıblar.

Gürcüstanın Müdafiə Nazirliyindən Trend-ə verilən məlumata görə, onlar ISAF beynəlxalq qüvvələrinin tərkibində 7 ay ərzində NATO-nun Əfqanıstandakı bazasında sülhməramlı missiyanı yerinə yetiriblər.

Bu, artıq ay yarım ərzində üçüncü batalyondur ki, Əfqanıstandan vətənə qaytarılıb. Gürcü hərbçiləri, oktyabrın 31-də bağlanılan Qəndəhar hərbi aerodromu tamamilə tərk ediblər.

Gürcü hərbçiləri Əfqanıstanda koalisiya qüvvələri ilə birlikdə bir sıra əməliyyatları yerinə yetiriblər. Dağlıq-kəşfiyyat batalyonunun hərbçiləri vətənə itkisiz qayıdıblar. Qəndəhar bazası (onların xidmət keçdiyi yer) oktyabrın 31-də bağlanılıb.