Böyük Britaniyada aparılan bir elmi araşdırma, nəzarətli dozalarda tətbiq edilən “gülən qaz” kimi tanınan azot oksidinin depressiya simptomlarını tez bir zamanda azalda biləcəyini ortaya qoydu. Mütəxəssislər metodun təsirinin müvəqqəti olduğunu və əlavə tədqiqatlara ehtiyac olduğunu vurğuladılar.
Elchi.az xəbər verir ki, Tədqiqatçılar gülən qaz kimi də tanınan azot oksidinin depressiya simptomlarını tez bir zamanda aradan qaldıra biləcəyini aşkar etdilər. Tədqiqat İngiltərədəki Birmingem Universiteti və Oksford Universitetinin tədqiqatçıları tərəfindən aparılıb.
Tədqiqatda yeddi klinik sınaq və ümumilikdə 247 iştirakçı qiymətləndirilib. İştirakçılar azot oksidini 50% və 25% konsentrasiyalarda inhalyasiya ediblər və nəticələr plasebo qrupları ilə müqayisə edilib.
Məhdud təsir müddəti
Nəticələr göstərdi ki, qaz depressiya simptomlarını cəmi iki saat ərzində azalda bilər. Lakin bu təsir daimi deyildi və simptomlar təkrar dozalanmadan bir həftə ərzində geri qayıda bilərdi.
Ürəkbulanma, baş ağrısı və reallıqdan uzaqlaşma hissi kimi yan təsirlərin yüksək dozalı qruplarda daha çox rast gəlindiyi bildirilib. Mütəxəssislər bildirirlər ki, bu metod onun qlütamatergik sistemə və beyin qan dövranına sakitləşdirici təsiri ilə əlaqəli ola bilər. Onlar vurğulayıblar ki, bu tədqiqat yeni, sürətli təsir göstərən müalicələrin inkişafı üçün yol açır. Tədqiqatın nəticələri eBioMedicine jurnalında dərc edilib.
Şayəstə
