93 saylı Bərdə şəhər seçki dairəsindən Milli Məclisə deputatlığa namizəd Gövhər Baxşəliyeva təbliğat-təşviqat kampaniyası çərçivəsində seçicilərlə görüşlər keçirir. G.Baxşəliyeva bu günlərdə Bərdə rayonunun Gərənə, Həsənqaya, Samux, Qarahacı, Yenidaşkənd, Şatırlı, Hacallı və Türkmən kəndlərində seçicilərlə görüşüb. G.Baxşəliyeva hərarətlə qarşılandığı görüşlərdə seçicilərə öz seçki platformasından söz açıb.
Deputatlığa namizədlə görüşlərdə kənd sakinləri də Gövhər Baxşəliyevanın Milli Məclisdəki səmərəli fəaliyyətinə yaxşı bələd olduqlarını, bərdəlilərin qayğısına qalacağına əminliklərini bildiriblər və seçkilərdə Gövhər xanıma səs verəcəklərini deyiblər. Çıxış edənlər kəndlərin əhalisini də hamılıqla əslən bərdəli olan, respublikada və onun hüdudlarından kənarda tanınmış şərqşünas alim G.Baxşəliyevaya səs verməyə çağırıblar.
Son şərhlər